婚姻秘訣

It is not a lack of love, but a lack of friendship that makes unhappy marriages.
- Friedrich Nietzsche

哲學家尼采名言：「不愉快的婚姻不是因為缺乏愛情，而是缺乏友情。」（我譯）

絶對同意。成功嘅婚姻都絕非用性或愛嚟維繫，否則遲早玩完。最緊要維持以禮相待，相敬如賓，咁就長玩長有。至於如何相敬如賓呢？咁好簡單，對朋友唔會做嘅嘢，唔好對老婆（或老公，下同）做。對朋友唔會講嘅説話，唔好對老婆講。

舉例：如果你在出面風度翩翩，例如幫女仕開車門拉櫈仔之類嘅 gentleman 舉止，唔該你對你老婆照做。就係咁簡單。

舉例二：如果你平時對你班 friend 客氣有禮貌，就唔好番到屋企對個老婆粗聲粗氣，甚至呼呼喝喝。

以此作為你段婚姻嘅守則，包你婚姻美滿，家庭幸福，更加延長兩人性愛關係。唔信試試。

今日要講係咁多，下次再噏。