前言

今朝早起身沖涼忽然心血來潮決定開個blog寫嘢。依家可以寫中文嘅機會已經愈來愈少，仲間中執筆忘字，所以要鼔勵自己多啲寫中文，以免愈來愈生疏。經過三思，取名「基佬隨便寫」。基與本人性取向無關，亦唔關你事，祇係我個中文名。佬係因為已經人到中年，費事叫自己基仔。隨便寫，係因為在此blog寫的都會是隨心、隨意、隨便，記下當刻嘅諗法同感覺，日後反口反覆反對反眼亦無妨。至於我寫嘅嘢你睇唔睇，就一於隨緣。